domenica 12 dicembre 2010

E sa Rai torrat a èssere s'Eiar fascista

Sos spot de sa Rai

E sa Rai torrat a èssere Eiar, che a sos tempos chi su fascismu gherraiat contra a sos dialetos invoghendesi a s'Unidade de Itàlia. Abistade e intendide custos chimbe spot chi s'Eiar de su 2010 est mandende custas dies. 
Si cumprendet mègius de milli àteros arresonos cale est s'idea de “unidade natzionale” chi tenet sa sienda culturale prus manna de Itàlia. E si cumprendet puru cantu mannu siat su disisperu de sos natzionalistas italianos, acurtziendesi sos 150 annos de sa chi li narant “Unidade de Itàlia”. Sos meres mannos de s'Eiar 2010, in s'innoràntzia barrosa insoro, nch'ant postu in mesu de sos dialetos italianos finas su friulanu e su sardu chi sunt limbas distintas. No est chi càmbiet meda, limbas natzionales o dialetos italianos chi siant: si tratat de sa violèntzia polìtica e culturale fata dae custos fascistas noos chi, comente faghiant cussos betzos, pensant de aproendare s'italianu isperdende sas àteras limbas.

9 commenti:

maimone ha detto...

Ho visto gli spot ma avrei fatto meglio a non guardarli perché, giustamente, ci riportano al periodo fascista. Il messagio sottinteso é che troppi linguaggi creano disordine e confusione. Meglio una lingua sola, la lingua dell'ordine, anzi dell'ORDINE NUOVO. Una lingua, una religione, una patria. Eja Eja Alalà. Il tempo passa, il mondo cambia, l'Italia é sempre lì, al palo.

maimone ha detto...

mi correggo:
EIAR EIAR Alalà

Gigi Sanna ha detto...

Bravu Maimo'. Bravu meda! Tiat poder essere unu nostru 'slogan' pro su sardu e sa gherra (gherra, depet essere, mì, semper gherra in donzi momentu sa nostra)chi semus gherrande pro sa dignidade nostra, de sos babbos e de sos jaios nostros. Emmo,emmo, est su meu: dae como. Si depimos faere beffes mannas de issos.
EIAR EIAR Alalà!

maimone ha detto...

@ Gigi Sanna

Emmo chi est una gherra. Sos sardos sun semper in gherra, Dae cando sun naschidos. Onzi cosa chi amus attenidu l'amus otenida a gherra. Petzi nois ischimus cantu nos est costada.

francu pilloni ha detto...

Siete tutti prevenuti! Vergogna!!!
Eiar Eiar allà' allà!

larentup@gmail.com ha detto...

Menzus sa babele a sa "omologazione" de sa RAI de Minzolini, su chi cando ispendet no abaidat chi in mesu a cussu inari chi s'isbacassat b'est peri su de sos betzeddos chi pro pacare su canone si che ocan su mossu dae ucca...

Roberto Bolognesi ha detto...

mi ca ti nch'apo furadu su slogan, o maimo'. tropu bellu!

maimone ha detto...

Est istada un'ispiratzione chi m'esr bennida tott'in d'una, appena appo lezidu su post.
Sa cosa chi noto de prus in sas festas pro sos 150 annos de s'Unidade de s'Italia est sa torrada a campu de tottu cudda frassa "propsopopea risorgimentalista" chi dae cando est mortu Spadolini, credio chi fesset morta e interrada. E imbetzes su fascismu torrat semper a campu.

p.atzori ha detto...

Como depimos puru supportare offesas, chi si costant puru, in minisprétziu de sa limba sarda. Maladittos siant!

S'Italia est una Repubbrica fundada e impastada cun su minisprétziu... su triballu sos giovanos nostros tenent asiu de dd'ispettare....

Su chi mi dispiaghet est chi non si biet manc'unu onorevole o senadore sardu chi presentet un'interrogazione parlamentare, po dda finire cun cudd'ispot.